ಬಾಗಿಲು ಹಾಕುತ್ತಿವೆ ಹೆಂಚು ಕಾರ್ಖಾನೆಗಳು

0
802

ಹೆಚ್ಚಿನ ಓದುಗರು ಈ ಸುದ್ದಿಯನ್ನು ಖಂಡಿಸುವೆ ಎಂದು ಪರಿಗಣಿಸಿದ್ದಾರೆ !
ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (0) ಸಮ್ಮತ (0) ಅಸಮ್ಮತ (0) ಖಂಡಿಸುವೆ (2) ಅಭಿಪ್ರಾಯವಿಲ್ಲ (0)

1

ಕುಂದಾಪುರ: ಕರಾವಳಿಯ ಪ್ರಮುಖ ಹೆಂಚು ಉದ್ಯಮ ಅವನತಿ ಹಾದಿ ಹಿಡಿದಿವೆ. ಹೆಂಚಿನ ಕಾರ್ಖಾನೆಗಳು ಒಂದೊಂದಾಗಿ ಬಾಗಿಲು ಮುಚ್ಚಿಕೊಳ್ಳುತ್ತಿವೆ. ಕಳೆದ 2 ತಿಂಗಳುಗಳಲ್ಲಿ ತಾಲೂಕಿನ 2 ಪ್ರಮುಖ ಹೆಂಚಿನ ಕಾರ್ಖಾನೆಗಳು ಬಾಗಿಲು ಹಾಕಿಕೊಂಡಿದೆ. ಈ ಮೂಲಕ ಸಾವಿರಾರು ಕಾರ್ಮಿಕರು ಕೆಲಸ ಕಳೆದುಕೊಂಡಿದ್ದಾರೆ.

ರಾಜ್ಯದಲ್ಲಿ ಹೆಂಚಿನ ಮನೆ ನಿರ್ಮಾಣ ಅತೀವ ಪ್ರಮಾಣದಲ್ಲಿ ಕುಂಠಿತಗೊಂಡಿದೆ. ಗೋವಾ, ಮಹಾರಾಷ್ಟ್ರದಲ್ಲಿಯೂ ಇದೆ ಪರಿಸ್ಥಿತಿ ತಲೆದೋರಿದೆ. ಸದ್ಯ ಕೇರಳ ರಾಜ್ಯಕ್ಕೆ ಮಾತ್ರ ಅಷ್ಟಿಷ್ಟು ಹೆಂಚು ಸಾಗುತ್ತಿದೆ. ಉಡುಪಿ ಜಿಲ್ಲೆಯ 15 ಹೆಂಚಿನ ಕಾರ್ಖಾನೆಗಳ ಪೈಕಿ 8 ಕಾರ್ಖಾನೆಗಳು ಮಾತ್ರ ಸದ್ಯ ಕಾರ್ಯಾಚರಿಸುತ್ತಿವೆ. ಕಳೆದ 1 ವರ್ಷದಲ್ಲಿ 7 ಕಾರ್ಖಾನೆಗಳು ಮುಚ್ಚಿಕೊಂಡಿವೆ. ಹೆಂಚು ಕಾರ್ಖಾನೆಗಳಲ್ಲಿ ದುಡಿಯುತ್ತಿರುವ 3500ಕ್ಕೂ ಮಿಕ್ಕಿ ಕುಟುಂಬಗಳು ಆತಂಕ ಎದುರಿಸುತ್ತಿದ್ದಾರೆ.

ಹೆಂಚು ಉದ್ಯಮಕ್ಕೆ ಸರಕಾರದ ಪ್ರೋತ್ಸಾಹ ಸಿಗುತ್ತಿಲ್ಲ. ಕಚ್ಚಾ ಸಾಮಾಗ್ರಿಗಳು ಸಿಬಾಗಿಲು ಹಾಕುತ್ತಿವೆ ಹೆಂಚು ಕಾರ್ಖಾನೆಗಳುಗುತ್ತಿಲ್ಲ. ಆವೆಮಣ್ಣು, ಕಟ್ಟಿಗೆ ದುರ್ಲಭ. ಉದ್ಯಮ ಮುನ್ನಡೆಸುವುದೇ ಕಷ್ಟಕರವೆನಿ ಸಿದೆ. ಸರಕಾರದ ಯಾವುದೇ ಪ್ರೋತ್ಸಾಹವಿಲ್ಲದೆ ವಾರ್ಷಿಕ 40ರಿಂದ 50 ಲಕ್ಷ ರೂ. ಹೂಡಿಕೆ ಮಾಡಲೇ ಬೇಕು. ಇತ್ತೀಚೆಗೆ ಆವೆ ಮಣ್ಣು ಮರಳು ಮಿಶ್ರಿತ ಆಗಿರುವುದು, ಜೀರೊ ಕ್ಲಾಸ್ ಹೆಂಚುಗಳು ಸಹ ಕ್ವಾಲಿಟಿ ಕಳೆದುಕೊಳ್ಳುತ್ತಿವೆ. ಇನ್ನೊಂದೆಡೆ ಮಾರುಕಟ್ಟೆ ಯಲ್ಲಿ ಹೆಂಚಿನ ಧಾರಣೆಯೂ ಕುಸಿದಿದೆ. 150

ವರ್ಷಗಳ ಇತಿಹಾಸ:ಮಂಗಳೂರು ಟೈಲ್ಸ್ ವಿಶ್ವಪ್ರಸಿದ್ಧ ಹೆಂಚು ಬ್ರಾಂಡ್. 1860ರಲ್ಲಿ ಜರ್ಮನ್ ಮಿಶನರಿ ಗಳು ಹೆಂಚು ಉದ್ಯಮವನ್ನು ಮೊದಲಿಗೆ ಪರಿಚಯಿಸಿದವರು. ಮಂಗಳೂರಿನ ನೇತ್ರಾವತಿ, ಗುರುಪುರ ನದಿ ತಟದಲ್ಲಿ ಉದ್ಯಮ ಜನ್ಮ ತಳೆಯಿತು. ಇಲ್ಲಿನ ಹೆಂಚು ಗಳು ಮ್ಯಾನ್ಮರ್, ಶ್ರೀಲಂಕಾ, ಪೂರ್ವ ಆಫ್ರಿಕಾ, ಮಧ್ಯಪ್ರಾಚ್ಯ, ಯುರೋಪ್, ಆಸ್ಪ್ರೇಲಿಯಾ ದೇಶಗಳಿಗೆ ಸಾಗಿವೆ. ಬ್ರಿಟಿಷ್ ಆಡಳಿತದ ಕಾಲದಲ್ಲಿ ಹೆಂಚು ಬಳಕೆ ಕಡ್ಡಾಯ ಮಾಡಲಾಗಿತ್ತು. 1878ರ ಬಳಿಕ ಹೆಂಚು ಉದ್ಯಮ ವ್ಯಾಪಕವಾಗಿ ಹಬ್ಬಿತು. ಕರಾವಳಿಯುದ್ದಕ್ಕೂ 1900ರ ಸುಮಾರಿಗೆ 25 ಕಾರ್ಖಾನೆಗಳಿದ್ದವು. 1994ರಲ್ಲಿ ಕಾರ್ಖಾನೆ ಸಂಖ್ಯೆ 75 ದಾಟಿತು. 2007 ರಲ್ಲಿ ಆವೆಮಣ್ಣಿನ ಅಲಭ್ಯತೆಯಿಂದಾಗಿ 10 ಕಾರ್ಖಾನೆಗಳು ಕಣ್ಮುಚ್ಚಿದವು. ಕೇರಳ ಹಾಗೂ ಗೋವಾ ರಾಜ್ಯದಲ್ಲಿ ಹೆಂಚು ಕಡ್ಡಾಯಗೊಳಿಸಿದಾಗ ಮತ್ತೆ ಹೆಂಚು ಉದ್ಯಮ ಜೀವ ಪಡೆದುಕೊಂಡಿತು.

ಪ್ರಸ್ತುತ ಕೇರಳ ಹೊರತುಪಡಿಸಿ ಬೇರೆಲ್ಲೂ ಹೆಂಚು ಕಡ್ಡಾಯ ಪಾಲಿಸಿ ಇಲ್ಲದಿರುವುದರಿಂದ ಹೆಂಚು ಉದ್ಯಮ ಅವನತಿಯತ್ತ ಸಾಗುತ್ತಿದೆ. *ಕೈಗಾರಿಕೆ ಉಳಿವಿಗಾಗಿ ಸರಕಾರದ ಪ್ರೋತ್ಸಾಹ, ಸಹಾಯ ಹಸ್ತ ಅಗತ್ಯ. ಹೆಂಚು ಕಾರ್ಮಿಕರು ಕೆಲಸದ ಅವಧಿಯಲ್ಲಿ ಕೇವಲ ಒಂದು ಟಾಸ್ಕ್ ಹಾಜರಿ ಕೆಲಸ ಮಾಡುವ ಪರಿಸ್ಥಿತಿ ಬಂದಿದೆ. ಈಗಾಗಲೆ ಅನೇಕ ಕಾರ್ಖಾನೆಗಳು ಮುಚ್ಚಿದ್ದು ಕಾರ್ಮಿಕರು ಬೀದಿಪಾಲಾಗಿದ್ದಾರೆ. ಇಎಸ್‌ಐ ಸೌಲಭ್ಯ ವಿಸ್ತರಣೆ, ಕಾರ್ಮಿಕರಿಗೆ ಆಸ್ಪತ್ರೆ, ವೈದ್ಯರ ನೇಮಕಾತಿ, ಕಾರ್ಮಿಕ ವೈದ್ಯಕೀಯ ಚಿಕಿತ್ಸಾಲಯ ಮೊದಲಾದ ಬೇಡಿಕೆ ಕಡೆಗಣಿಸಲಾಗಿದೆ. ಕೇಂದ್ರ ಹಾಗೂ ರಾಜ್ಯ ಸರಕಾರಗಳ ಜನವಿರೋಧಿ ನೀತಿಯ ಫಲವಾಗಿ ಹೆಂಚಿನ ಕಾರ್ಖಾನೆ ಕಾರ್ಮಿಕರು ಕೆಲಸ ಕಳೆದುಕೊಂಡುವಂತಾಗಿದೆ.

ಹೆಚ್ಚಿನ ಓದುಗರು ಈ ಸುದ್ದಿಯನ್ನು ಖಂಡಿಸುವೆ ಎಂದು ಪರಿಗಣಿಸಿದ್ದಾರೆ !
ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (0) ಸಮ್ಮತ (0) ಅಸಮ್ಮತ (0) ಖಂಡಿಸುವೆ (2) ಅಭಿಪ್ರಾಯವಿಲ್ಲ (0)