ಶ್ರೀರಾಮ ಓಡಾಡಿದ ಪವಿತ್ರ ಸ್ಥಳಗಳನ್ನು ಸುತ್ತಾಡಲು ಶ್ರೀ ರಾಮಾಯಣ ಎಕ್ಸ್‌ಪ್ರೆಸ್‌’ಗೆ ಚಾಲನೆ

0
507

ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (0) ಸಮ್ಮತ (0) ಅಸಮ್ಮತ (0) ಖಂಡಿಸುವೆ (0) ಅಭಿಪ್ರಾಯವಿಲ್ಲ (0)

ಹೊಸದಿಲ್ಲಿ: ತ್ರೇತಾಯುಗದ ಶ್ರೀ ರಾಮಚಂದ್ರ ಓಡಾಡಿದ ಪವಿತ್ರ ಸ್ಥಳಗಳಲ್ಲಿ ನೀವೂ ಹೆಜ್ಜೆ ಹಾಕಬೇಕೆ? ಹಾಗಿದ್ದರೆ ಶ್ರೀ ರಾಮಾಯಣ ಎಕ್ಸ್‌ಪ್ರೆಸ್‌ ರೈಲು ಹತ್ತಿ!

ಶ್ರೀರಾಮ ಸಂಚರಿಸಿದ್ದ ಎನ್ನಲಾದ ಎಲ್ಲಾ ಸ್ಥಳಗಳಿಗೂ ಈ ವಿಶೇಷ ರೈಲು ಸಂಚರಿಸಲಿದೆ. 800 ಮಂದಿ ಪ್ರಯಾಣಿಸಲು ಅವಕಾಶವಿರುವ ಶ್ರೀ ರಾಮಾಯಣ ಎಕ್ಸ್‌ಪ್ರೆಸ್‌ ರೈಲಿಗೆ ನವೆಂಬರ್‌ 14ರಂದು ಚಾಲನೆ ಸಿಕ್ಕಿದೆ.

ರೈಲಿನಲ್ಲಿ ಶ್ರೀರಾಮಾಯಣ ಐತಿಹಾಸಿಕ ಸ್ಥಳಗಳ ದರ್ಶನಕ್ಕೆ 15,120 ರೂ. ನಿಗದಿ ಮಾಡಲಾಗಿದೆ. 16 ದಿನಗಳ ಪ್ರವಾಸವಾಗಿದ್ದು, ಆಹಾರ, ವಸತಿ ಮತ್ತು ಮೂಲಸೌಲಭ್ಯಗಳು ಈ ಪ್ಯಾಕೇಜ್‌ ವೆಚ್ಚದಲ್ಲಿ ಸೇರಿವೆ.

ದಿಲ್ಲಿಯಿಂದ ಆರಂಭಗೊಳ್ಳುವ ಈ ಯಾತ್ರೆ ಕರ್ನಾಟಕದ ಹಂಪಿಯನ್ನು ಪ್ರವೇಶಿಸಲಿದೆ. ರಾಮಜನ್ಮ ಭೂಮಿ ಅಯೋಧ್ಯೆ, ಹನುಮಾನ್‌ ಗಾರ್ಹಿ, ರಾಮಕೂಟ ಮತ್ತು ಕನಕ್‌ ಭವನ ದೇಗುಲಗಳಿಗೆ ಭೇಟಿ ನೀಡಲಿದೆ. ಅಲ್ಲಿಂದ ನಂದಿ ಗ್ರಾಮ, ಸೀತಾಮರ್ಹಿ, ಜನಕಪುರಿ, ವಾರಾಣಸಿ, ಪ್ರಯಾಗ, ಶೃಂಗವರಪುರ, ಚಿತ್ರಕೂಟ, ನಾಸಿಕ್‌, ಹಂಪಿ ಮತ್ತು ರಾಮೇಶ್ವರಗಳ ದರ್ಶನ ಸಿಗಲಿದೆ.

ರಾಮಾಯಣದಲ್ಲಿ ಉಲ್ಲೇಖಿಸಿರುವ ಶ್ರೀಲಂಕಾದ ಒಂದಿಷ್ಟು ಪ್ರದೇಶಗಳ ವೀಕ್ಷಣೆಗೂ ಪ್ರಯಾಣಿಕರನ್ನು ಕರೆದೊಯ್ಯಲಾಗುತ್ತದೆ. ಆದರೆ ಚೆನ್ನೈನಿಂದ ನೇರವಾಗಿ ಕೊಲಂಬೊಗೆ ವಿಮಾನದಲ್ಲಿ ಪ್ರಯಾಣಿಕರನ್ನು ಕರೆದೊಯ್ಯಲಾಗುತ್ತದೆ. ಅಲ್ಲಿಂದ ಮತ್ತೆ ಪ್ರವಾಸ ಮುಂದುವರಿಯಲಿದೆ. ಶ್ರೀಲಂಕಾದಲ್ಲಿರುವ ರಾಮಾಯಣ ಪ್ರಸಿದ್ಧ ಸ್ಥಳಗಳ ಪ್ರವಾಸ ಪ್ರತ್ಯೇಕ ವೆಚ್ಚ ನಿಗದಿ ಪಡಿಸಲಾಗಿದ್ದು, ಓರ್ವನಿಗೆ 36,970 ರೂ. ತಗುಲುತ್ತದೆ. ಕೊಲಂಬೊ, ಕ್ಯಾಂಡಿ, ನುವಾರ ಎಲಿಯಾ, ನೆಗೊಂಬೋಗಳ ಪ್ರೇಕ್ಷಣೀಯ ಸ್ಥಳಗಳಿಗೆ ಕರೆದುಕೊಂಡು ಹೋಗಲಾಗುತ್ತದೆ.

ಇತ್ತೀಚೆಗೆ ಭಾರತೀಯ ಪ್ರವಾಸಿ ರೈಲು ಇಲಾಖೆ (ಐಆರ್‌ಸಿಟಿಸಿ) ಆಗಸ್ಟ್‌ 28ರಿಂದ ಸೆಪ್ಟಂಬರ್‌ 9ರ ವರೆಗೆ ಪ್ರವಾಸಿಗರಿಗೆ ವಿಶೇಷ ಎಸಿ ಪ್ರವಾಸಿ ರೈಲು ಸೇವೆ ನೀಡಿತ್ತು. ರಾಮಾಯಣದಲ್ಲಿ ಬರುವ ಪಂಚವಟಿ, ಚಿತ್ರಕೂಟ, ತುಲಸಿ ಮಾನಸ ಮಂದಿರ, ಸೀತಾ ಮರ್ಹಿ, ಅಯೋಧ್ಯಾ ಮತ್ತು ರಾಮೇಶ್ವರಂಗೆ ಪ್ರವಾಸಿಗರನ್ನು ಕರೆದೊಯ್ಯಲಾಗಿತ್ತು.

ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (0) ಸಮ್ಮತ (0) ಅಸಮ್ಮತ (0) ಖಂಡಿಸುವೆ (0) ಅಭಿಪ್ರಾಯವಿಲ್ಲ (0)