ಇಸ್ರೊದಿಂದ 100ನೇ ಉಪಗ್ರಹ ಉಡಾವಣೆ ಯಶಸ್ವಿ

0
218
dinetmedia

ಹೆಚ್ಚಿನ ಓದುಗರು ಈ ಸುದ್ದಿಯನ್ನು ಶಭಾಷ್ ಎಂದು ಪರಿಗಣಿಸಿದ್ದಾರೆ !
ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (2) ಸಮ್ಮತ (1) ಅಸಮ್ಮತ (0) ಖಂಡಿಸುವೆ (0) ಅಭಿಪ್ರಾಯವಿಲ್ಲ (0)

ಶ್ರೀಹರಿಕೋಟಾ: ಹಲವು ಐತಿಹಾಸಿಕ ದಾಖಲೆಗಳ ಮೂಲಕ ವಿಶ್ವದ ಗಮನ ಸೆಳೆದಿರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೊ 100ನೇ ಉಪಗ್ರಹವನ್ನು ಯಶಸ್ವಿಯಾಗಿ ಉಡಾವಣೆಗೊಳಿಸಿದೆ. ಒಂದೇ ಬಾರಿಗೆ 31 ಉಪಗ್ರಹಗಳನ್ನು ಕಕ್ಷೆಗಳಿಗೆ ಸೇರಿಸುವ ಇಸ್ರೊದ ಸಾಹಸ ಫಲಪ್ರದವಾಗಿದೆ.

ಕಾರ್ಟೋಸ್ಯಾಟ್‌ -2 ಸೇರಿದಂತೆ ದೇಶದ ಮೂರು ಹಾಗೂ 28 ವಿದೇಶಿ ಉಪಗ್ರಹಗಳನ್ನು (ಒಟ್ಟು ತೂಕ 1323 ಕೆ.ಜಿ.) ಹೊತ್ತ ಪಿಎಸ್‌ಎಲ್‌ವಿ-ಸಿ40 ರಾಕೆಟ್‌ ಆಂಧ್ರ ಪ್ರದೇಶದ ಶ್ರೀಹರಿಕೋಟಾದ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದ ಉಡ್ಡಯನ ನೆಲೆಯಿಂದ ನಭಕ್ಕೆ ಕಳಿಸಲಾಯಿತು. 44.4 ಮೀ. ಎತ್ತರವಿರುವ ರಾಕೆಟ್‌ ಮೂಲಕ ಉಪಗ್ರಹಗಳನ್ನು ಉಡಾವಣೆಗೊಳಿಸಲಾಯಿತು.

ಭೂ ಪರಿವೀಕ್ಷಣೆ ಉಪಗ್ರಹ ‘ಕಾರ್ಟೊಸ್ಯಾಟ್‌-2’ ಈ ಬಾರಿ ಉಡಾವಣೆಗೊಂಡ ಭಾರತದ ಪ್ರಮುಖ ಉಪಗ್ರಹ. ಇದು ಈ ಸರಣಿಯ 3ನೇ ಸ್ಯಾಟಲೈಟ್‌. ಅತ್ಯಧಿಕ ರೆಸಲ್ಯೂಷನ್‌ನ ಸುಸ್ಪಷ್ಟ ನಕ್ಷೆಗಳ ಜತೆಗೆ ರಸ್ತೆ ಸಂಪರ್ಕ ವ್ಯವಸ್ಥೆತಯ ಮೇಲೆ ಇಗಾ, ಭೂ ಬಳಕೆಯಲ್ಲಿ ಬದಲಾವಣೆ ಗುರುತಿಸುವಿಕೆ, ನಗರ ಯೋಜನೆಗಳ ರಚನೆ ಮುಂತಾದ ಹತ್ತು ಹಲವು ಉದ್ದೇಶಗಳಿಗೆ ಅಗತ್ಯ ಮಾಹಿತಿಯನ್ನು ಇದು ಒದಗಿಸಲಿದೆ ಎಂದು ಇಸ್ರೊ ಹೇಳಿದೆ

ಹೆಚ್ಚಿನ ಓದುಗರು ಈ ಸುದ್ದಿಯನ್ನು ಶಭಾಷ್ ಎಂದು ಪರಿಗಣಿಸಿದ್ದಾರೆ !
ಈ ವರದಿಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ.
ಶಭಾಷ್ (2) ಸಮ್ಮತ (1) ಅಸಮ್ಮತ (0) ಖಂಡಿಸುವೆ (0) ಅಭಿಪ್ರಾಯವಿಲ್ಲ (0)